Blŭ hrăm hlăm knăm mtrŭt mjhar, Lê Ngọc Tuấn, khua bruă sang čư̆ êa čar Kon Tum mñă kơ khua kiă kriê dŭm anôk bruă, alŭ wăl bi myuôm ai tiê bruă klam, kñăm gĭt gai, ktrâo lač leh anăn hluê ngă bruă bi lông ktưn dưi mâo klei tŭ dưn, klă klơ̆ng, amâo mâo ngă khă bi mâo.

Mta phŭn, hdră bi ktưn srăng dưi ngă kluôm êlam, mâo hnơ̆ng tŭ jăk, djŏ hŏng mta kñăm, hdră êlan, bruă klam kđi čar mơ̆ng grăp gưl bruă đảng nah gŭ, anôk bruă, alŭ wăl. Êpul ngă bruă răng mgang klei êđăp ênang mơ̆ng nah gŭ srăng ngă djŏ hŏng klei gĭt gai klă anăp, kluôm dhuôm mơ̆ng gưl bruă Đảng nah gŭ, klei gĭt gai mơ̆ng bruă sang čư̆ êa leh anăn klei mtô mơ̆ng êpul kahan ksiêm.