Hlue anăn, anôk bruă rŭ mdơ̆ng bi leh bruă msir mgaih kdrêč jhat rai ti čuôr leh anăn jơ̆ng guê gang êa dlông hlăm brô 60m. Ênoh bi liê mkra mđĭ, msir mgaih klei jhat rai ti kdrêč anei jing giăm 1 êklai prăk. Khădah snăn, Hdră bruă guê gang êa krông Pô Kô dưi pŏk ngă sui hŏng anei 14 thŭn, mâo boh dlông giăm 2km, ênoh bi liê êbeh 93 êklai prăk mơ̆ng prăk  knŭk kna gưl dlông. Hjăn kdrêč guê gang êa nah Ngŏ mâo kdrêč jhat rai hŏng ênoh mĭn tĭng êbeh 37 êklai 7 êtuh êklăk prăk. Thŭn 2013 hdră bruă mdei rŭ mdơ̆ng hŏng ênoh mkŏ dăp hlue ngă êbeh 25 êklai prăk.

Truh thŭhn 2019, hdră bruă mrâo mâo Knơ̆ng bruă sang čư̆ êa čar Kon Tum lŏ dơ̆ng bi liê 12 êklai prăk čiăng duh bi liê dŭm mta kdrêč adôk. Knhal jih thŭn 2021 hdră bruă bi leh bruă mkŏ dăp dŭm hdră čiăng êdi, ƀiădah truh ară anei ăt ka dưi bi mklă ôh anôk bruă kriê dlăng čiăng ba yua snăn mâo leh klei jhat rai kyua angĭn êbŭ anăn anôk bruă rŭ mdơ̆ng lŏ msir mgaih./.