VOV4.Êđê- Tlam mbruê, ti ƀuôn prŏng Kon Tum, Knơ̆ng bruă Hâo hưn lehanăn Mtô mblang čar Kon Tum mkŏ mjing leh Hdră bi tuôm ƀri knăm bi hdơr 70 thŭn Hruê knhuah gru Anôk bruă čih, kđăm mkra lehanăn hưn mthâo hdruôm hră Việt Nam (10/10/1952- 10/10/2022). Hlăm brô 100 anôk bruă dưi ngă bruă kñăm mkăp dŭm mta hră m’ar, klei čih mkăp kơ mnuih hriăm lehanăn klei dlăng mơ̆ng mnuih ƀuôn sang.

Čar Kon Tum bi mklă leh hdră čuăl mkă mđĭ kyar anôk bruă anei truh kơ thŭn 2025, hnơ̆ng trah dlăng truh ti thŭn 2030. Ti knăm anei, bi ala dŭm anôk bruă ti čar Kon Tum mâo leh klei blŭ đru mguôp, hưn mdah hdră msir rơ̆ng klei bi knar plah wah bruă klam kđi čar lehanăn boh tŭ dưn hlăm bruă blei mnia, mtrŭt mđĭ kyar dhar kreh dlăng hră hlăm êpul êya./.

                                                    Pô mblang: H’Nêč Êñuôl