Blŭ hrăm hlăm mmông bi tuôm, A Pơt, k’iăng khua bruă Đảng čar Kon Tum mñă klă klei đru mguôp yuôm bhăn mơ̆ng phung hriăm lu, phung kdŏ mmuñ, phung čih klei mrâo hlăm klei mđĭ kyar bruă duh mkra ala ƀuôn ti čar thŭn 2023 mâo 7,23%.

Bi klă thŭn 2024 jing thŭn mjêč hluê ngă hdră mtrŭn Klei kƀĭn kluôm bruă Đảng dŭm gưl leh anăn hdră êlan mđĭ kyar bruă duh mkra ala ƀuôn wưng thŭn 2021 – 2025, k’iăng khua bruă Đảng čar Kon Tum A Pơt hmăng hmưi phung hriăm lu, phung kdŏ mmuñ, phung čih klei mrâo lŏ dơ̆ng bi lar boh tŭ dưn dưi mâo, gĭr ktưn hrăm mbĭt hŏng bruă Đảng čar, bruă sang čư êa leh anăn mnuih ƀuôn sang dŭm djuê ana hlăm čar mkŏ mjing čar Kon Tum ƀrư̆ hruê ƀrư̆ mdrŏng ktang, hơĭt kjăp leh anăn đĭ kyar.