VOV4.Êđê- Khua Knơ̆ng bruă sang čư̆ êa čar Kon Yum bi mklă Hdră mtrŭn hlue ngă klei bi kmhal hŏng hdră brei mdei ngă Khua Knơ̆ng bruă sang čư̆ êa kdriêk Kon Plong, wưng thŭn 2021-2026, hŏng Đặng Thanh Nam. Hruê mbruê, 21/9/2022,  Êpul gơ̆ng bruă ƀuôn sang kdriêk Kon Plong ăt mâo leh Hdră mtrŭn lăm lui phung bi ala Êpul gơ̆ng bruă ƀuôn sang kdriêk Kon Plong gưl XV, wưng 2021- 2026 hŏng Đặng Thanh Nam kyua ngă soh kjham hŏng klei Đảng kčah mtrŭn, hdră bhiăn mơ̆ng Knŭk kna, amâo rơ̆ng dŭm hnơ̆ng čuăn mơ̆ng pô bi ala Êpul gơ̆ng bruă ƀuôn sang.

Dưi thâo Đặng Thanh Nam, K’iăng Khua bruă Đảng kdriêk, Khua Knơ̆ng bruă sang čư̆ êa kdriêk Kon Plong brei mdei jih jang bruă hlăm Đảng leh anăn bruă sang čư̆ êa djŏ tuôm kơ klei ngă soh hlăm bruă lăn ala leh anăn duh bi liê rŭ mdơ̆ng./.

Pô mblang: H’Zawut Ƀuôn Yă