Leh 14 thŭn pŏk ngă, kyua lu mta phŭn hdră bruă guê gang mkhư̆ klei klưh hroh hang krông Pô Kô, guê gang hang nah Ngŏ, kdrêc găn wăl krah Đăk Glei, kdriêk Đăk Glei, čar Kon Tum mâo boh dlông giăm 2 km truh ară anei ăt mâo lu klei êdu kƀah brei pral msir mgaih êlâo kơ adiê hjan truh.

Hdră bruă guê gang mkhư̆ klưh hroh hang krông Pô Kô kdrêč găn wăl krah Đăk Glei, kdriêk Đăk Glei, čar Kon Tum dlông giăm 2km, ênoh bi liê êbeh 93 êklai prăk. Leh 5 thŭn pŏk ngă truh thŭn 2013 hdră bruă mdei rŭ mdơ̆ng mâo ênoh mkŏ dăp hlue ngă êbeh 25 êklai prăk. Truh thŭn 2019 hdră bruă mâo Knơ̆ng bruă sang čư̆ êa čar Kon Tum lŏ dơ̆ng bi liê prăk kơ dŭm hdră čiăng êdi hŏng ênoh giăm 12 êklai prăk. Hruê 16/12/2021 Hdră bruă anei bi leh bruă mkŏ kdăp dŭm mta čiăng êdi, ƀiădah truh ară anei ăt ka dưi ba yua leh anăn mâo leh klei jhat rai./.