Hlue si klei ksiêm yap mơ̆ng bruă êdam êra čar Kon Tum brei ƀuh hlăm hruê bi lông tal êlâo, dŭm êpul čŏng ngă bruă đru kơ yan bi lông ti 12 anôk bi lông hriăm jih gưl 3 ti čar đru leh êbeh 1.500 gưl êdeh mdiăng amâo mă prăk; mbha 7000 giêt êa; êbeh 300 tŏ êa ksâo, ƀêñ mmih; dŭm êtuh giê čih… kơ phung bi lông.

Mbĭt anăn dŭm êpul ngă bruă ti dŭm anôk bi lông hlăm čar ăt hmao đru kơ phung bi lông msir mgaih klei mâo, msĕ si pĭt wơr, wơr bĭt hră mơar bi lông ti sang. Mbĭt hŏng bruă ngă đru tŭ dưn kơ klei bi lông hriăm jih gưl 3 ti dŭm anôk bi lông, dŭm êtuh čô ti čar Kon Tum ăt mâo bruă sang čư̆ êa, êpul êdam êra leh anăn sang hră đru anôk huă ƀơ̆ng, anôk dôk mang hlăm dŭm hruê mkŏ mjing klei bi lông./.