Snăn truh êbeh 400 čô mnuih lu jing knuă druh, mnuih ngă bruă lehanăn mnuih ƀuôn sang nao myơr êrah. Klei myơr êrah thŭn anei čar Kon Tum bi kčah čiăng bi mâo truh 8.000 gưl čô mnuih nao myơr êrah, hŏng bruă yuôm bhăn dưi ba wĭt ƀiă êdi truh êbeh 2.300 ênoh êrah doh.

 Tui si anôk bruă hâo hưn kơ klei myơr êrah čar Kon Tum hưn thŭn leh êgao kluôm čar mâo leh êbeh 9.000 gưl čô mnuih nao myơr êrah, hlăm 34 gưl mkŏ mjing klei myơr êrah, snăn dưi mâo tŭ mă leh êbeh 6.800 ênoh êrah doh djăp hŏng ênoh kčah jao./.