Kon Tum: Čang ênuh, dơr 12 klang lĭng kahan djiê êngiă ti Lào leh anăn Campuchia
Thứ hai, 10:19, 12/06/2023
VOV Tây Nguyên
VOV Tây Nguyên
VOV4.Êđê- Ti msat lĭng kahan djiê êngiă kdriêk knông lăn Ngọc Hồi, Bruă Đảng čar, Êpul gơ̆ng bruă ƀuôn sang, bruă sang čư êa, dhar bruă mặt trận čar Kon Tum mkŏ mjing knăm čang ênuh, dơr klang 12 čô lĭng kahan djiê êngiă, phung thơ̆ng kơ bruă Việt Nam hlăm dŭm gưl bi blah ti Lào leh anăn Campuchia mâo êpul K53 kkuai duah hlăm yang bhang thŭn 2023.
Hlăm hră bi hdơr klei čang ênuh, dơr klang 12 čô anei, aduôn Y Ngọc, k’iăng khua bruă sang čư êa čar, Khua êpul gĭt gai mrô 515 čar Kon Tum mgei ai tiê:
Ti anăp rup phung lĭng kahan djiê êngiă, bi ala bruă Đảng čar, knŭk kna, lĭng kahan leh anăn mnuih ƀuôn sang dŭm djuê ana čar Kon Tum dưi bi êdah klei mpŭ, klei ênguôt hnĭng leh anăn hdơr knga hŏntg phung lĭng kahan djiê êngiă mơ̆ng djuê ana Việt Nam, phung asăn asei, djiê êngiă kyua klei êngiê djuê ana leh anăn ai tiê bi mguôp tar rŏng lăn. Truh kơ ară anei, jih jang klang lĭng kahan dưi kkuai ƀuh ăt ka thâo klă anăn, klă djuê.
Viết bình luận