VOV4.Êđê- Hlăm yan không 2021-2022 mrâo êgao, Êpul K53 čar Kon Tum tui duah, bi kƀin 13 klang čô êngiă asei ti Lao leh anăn Campuchia. Klă klơ̆ng ti 3 čar Attapư, Sê Kông, Chăm Pa Sắc ala čar Lao, Êpul K53 čar Kon Tum bi kƀĭn 7 klang phung êngiă asei leh anăn ti čar Rattanakiri, ala mtao Campuchia, êpul K53 čar Kon Tum bi kƀĭn 6 klang čô êngiă asei. Anôk bruă gĭt gai kơ klei tui duah, bi kƀĭn leh anăn bi mklă anăn klang phung êngiă asei čar Kon Tum mĭn tĭng mơ̆ng hruê 30/5- 2/6/2022 ti 3 čar Attapư, Sê Kông, Chăm Pa Sắc (Lào) srăng mkŏ mjing klei bi trông, knăm atăt dŭm klang kleh phung êngiă asei leh anăn ba êpul K53 wĭt kơ ala čar.

Ti čar Rattanakiri (Campuchia), srăng mkŏ mjing klei bi trông, knăm atăt dŭm klang kleh phung êngiă asei leh anăn ba êpul K53 wĭt kơ ala čar mơ̆ng hruê 6-8/6/2022. Knăm čang ênuh, ba dơr klang 13 čô êngiă êsei mâo Êpul K53 čar Kon Tum duah, ƀuh ti Lao leh anăn Campuchia yan không mrâo êgao mâo bruă Đảng čar, Êpul gơ̆ng bruă ƀuôn sang, Bruă čar kwar čar Kon Tum mkŏ mjing hlăm aguah hruê 10/6/2022 ti wăl msat phung êngiă asei kdriêk Ngọc Hồi./.

                                               Pô mblang: H’Zawut Ƀuôn Yă