Kon Tum: Hjan prŏng grăm kmlă, hjan pliêr ba klei jhat truh giăm 6,8 êklai prăk
Thứ ba, 11:00, 25/04/2023
VOV TAYNGUYEN
VOV TAYNGUYEN
VOV4.Êđê- Leh sa hrue nao ksiêm dlăng, yap dŭm klei luič rai, snăn adŭ bruă duh mkra ƀuôn prŏng Kon Tum, čar Kon Tum hưn gưk hjan angĭn, hjan phiêr leh êgao mâo wăt grăm kmlă ktang tlam mmăt hrue 23/4 ti ƀuôn prŏng ba leh klei luič rai giăm 6,8 êklai prăk.
Tĭng klei luič liê anei mơ̆ng bruă lŏ hma hlăm alŭ wăl ƀuôn prŏng Kon Tum. Tui si adŭ bruă duh mkra ƀuôn prŏng ksiêm yap mâo êbeh 160 ha mdiê tuôm hŏng hjan pliêr ngă rai hlăm brô 70%. Mbĭt hŏng mdiê lŏ mâo boh kruĕ hruĕ hlăm brô 2,5 ha lehanăn êbeh 5 ha djam mtam.
Bruă sang čư̆ êa alŭ wăl mbĭt hŏng mnuih ƀuôn sang dôk mghaih msir boh mơ̆ng klei truh anei, kreh tuôm hŏng hjan akŏ yan msĕ snăn./.
Viết bình luận