VOV4.Êđê- Mđia hlơr sui ngă kơ lu ênhă hlăm êbeh 609.000ha dliê pla leh anăn dliê hrông ti čar Kon Tum tuôm hŏng klei arưp aram pui ƀơ̆ng. mbĭt hŏng anăn, hruê mmông anei jing mnuih ƀuôn sang kreh jah, čuh pưk hma mprăp kơ yan buh pla mrâo, kyuanăn mâo klei arưp aram mmiă yua lăn dliê jing lu êdi. Ti anăp boh sĭt anăn, êpul êya djŏ tuôm čar Kon Tum mbĭt hŏng phung pô dliê leh anăn bruă sang čư êa alŭ wăl dôk mđĭ hĭn bruă răng mgang dliê.

Bi klă dŭm anôk mâo ênhă dliê mâo klei arưp aram pui ƀơ̆ng, ênưih jah waih ngă pưk hma, êpul êya ngă bruă čar Kon Tum mbĭt hŏng phung pô dliê leh anăn bruă sang čư êa alŭ wăl mđĭ hĭn bruă bruă gak răng wăt kơ hruê leh anăn mmăt mlam. Bi kơ dŭm alŭ wăl dliê bi knông hŏng pưk hma mnuih ƀuôn sang, êpul êya ngă bruă brei leh mnuih ƀuôn sang bi klă amâo dưi bi rai ôh ênhă lăn dliê.

Pô mblang: Y-Ƀel Êban