VOV4.Êđê - Hruê 8/2, 10 kdriêk, ƀuôn prŏng čar Kon Tum hrăm mbĭt mkŏ mjing Knăm pŏk ngă hdră bi lông trŭn ngă bruă mkŏ mjing krĭng ƀuôn sang mrâo leh anăn ƀuôn prŏng jăk siam akŏ Yan mnga Nhâm Dần 2022. Knăm pŏk ngă hdră bi lông ktưn trŭn ngă bruă mkŏ mjing krĭng ƀuôn sang mrâo leh anăn ƀuôn prŏng jăk siam mâo čar Kon Tum mđĭ lar mkŏ mjing leh gưl mdei Tết Nguyên đán grăp thŭn.

Thŭn anei hdră bi lông ktưn mâo akŏ: Mđĭ kyar mkra mjing, mkra mđĭ wăl mnuih ƀuôn sang dôk, mkŏ mjing krĭng ƀuôn sang mrâo”. Boh sĭt brei ƀuh kyua mâo jih bruă kđi čar leh anăn mnuih ƀuôn sang jih ai tiê mđing, gĭr ngă, truh ară anei čar Kon Tum mâo leh 35 să djăp hnơ̆ng čuăn krĭng ƀuôn sang mrâo, hlăm anăn mâo 3 să djăp hnơ̆ng čuăn krĭng ƀuôn sang mrâo hnơ̆ng jăk. Thŭn 2022 čar gĭr ktưn mâo thiăm 8 să djăp hnơ̆ng čuăn krĭng ƀuôn sang mrâo.

 H’Zawut pô mblang