Să Đăk Nhoong, kdriêk Đăk Glei, čar Kon Tum mâo klông knông lăn hŏng boh taih êbeh 35km bi knông hŏng kdriêk Đăk Chưng, čar Sê Kông, ala čar Lào. Hŏng ai tiê jing "Grăp čô mnuih jing sa ƀĕ gơ̆ng knông lăn hdĭp", thŭn leh êgao kđông răng mgang knông lăn Đăk Nhoong hgŭm leh kjăp hŏng bruă sang čư̆ êa să Đăk Nhoong ngă jăk asăp mtrŭn mrô 01 mơ̆ng khua knŭk kna kơ bruă mkŏ mjing klei jih jang mnuih ƀuôn sang bi đru răng mgang klei êđăp ênang knông lăn hlăm boh klei ară anei. 

Đại tá Phạm Cảnh Toàn, K’iăng khua bruă Đảng kahan răng mgang knông lăn čar   Kon Tum lač, Đăk Nhoong jing să tal êlâo hlăm ênoh jih jang 13 să ti knông lăn čar Kon Tum mkŏ mjing knăm anei. Anei jing bruă yuôm bhăn kđi čar, mâo klei thâo khăp, jing wưng čiăng kơ knuă druh kahan răng mgang knông lăn bi êdah klei khăp truh hŏng dŭm gưl bruă Đảng, bruă sang čư̆ êa lehanăn mnuih ƀuôn sang alŭ wăl./.