VOV4.Êđê - Hluê si klei bi mklă mơ̆ng Knơ̆ng bruă mdrao mgŭn čar Kon Tum, čar dôk huĭ srăng bluh mâo lu mnuih mâo klei ruă Covid 19 lehanăn êngoh bi ƀlĕ êrah ti alŭ wăl. Mơ̆ng akŏ thŭn truh ară anei, kluôm čar mâo giăm 47.000 čô djŏ kman SARS-CoV-2.

Kluôm čar ăt mâo 93 anôk bluh mâo klei ruă êngoh bi ƀlĕ êrah, hŏng 393 čô ruă. Klei huĭ hyưt, ênoh mnuih amâo mđing, amâo čiăng tlŏ vaccine gang mkhư̆ Covid 19 arăt thiăm mbŏ lehanăn aruăt mñă wĭt kơ mnuih mơ̆ng 12 thŭn kơ dlông dôk êmưt. Hŏng klei ruă êngoh bi ƀlĕ êrah, mnuih ƀuôn sang kăn mđing rei, amâo hluê ngă kjăp hdră gang mkhư̆ klei ruă. Anôk bruă mdrao mgŭn Kon Tum dôk hluê ngă kjăp hdră gang mkhư̆ čiăng dêč đuê̆ kơ boh klei bluh mâo 2 klei ruă sa blư̆, hlăm anăn mtrŭt mđĭ hdră tlŏ vaccine COVID-19 lehanăn pŏk hdră mdjiê kêč ƀloh, hluăt lŏk, bi mdoh wăl hdĭp mda kñăm gang mkhư̆ klei ruă êngoh bi ƀlĕ êrah./.

H’Nêč pô mblang