Kñăm hâo hưn, mkŏ klei čiăng mă bruă, mkŏ mjing klei găl kơ mnuih mă bruă, phung êdam êra dưi thâo klă klei hưn anôk mă bruă, mơ̆ng anăn dưi čuăn ruah bruă mă djŏ guôp, hruê mbruê 17/5, ti ƀuôn prŏng Kon Tum, Knơ̆ng bruă mnuih mă bruă, kahan êka êkeh leh anăn yang ƀuôn bi mguôp bruă Bruă êdam êra čar Kon Tum mkŏ mjing Hruê knăm bruă mă thŭn 2023 iêo jak lu mnuih mă bruă čiăng kơ bruă mă.

Hlăm hruê knăm anei, mâo 37 anôk bruă, knơ̆ng bruă bi klă čiăng kơ mnuih mă bruă hŏng êbeh 3.200 bruă mă hlăm čar, êngao čar leh anăn nao mă bruă mâo wưng kčah ti ala tač êngao. 12 anôk bruă, knơ̆ng bruă nao hgŭm duah mnuih mă bruă klă anăp hlăm hruê bruă mă jing dŭm anôk bruă mâo klei đăo knang, ngă bruă mnia mblei tŭ dưn, hdră hdră êlan prak mlan leh anăn dŭm klei đru yang ƀuôn jăk kơ mnuih mă bruă.

Hlăm hruê bruă mă čar Kon Tum thŭn 2023, dŭm anôk bruă, knơ̆ng bruă čiăng kơ mnuih mă bruă mâo leh klei tŭ drông, hưn mdah, đru kčĕ bruă mă kơ hlăm brô 700 čô mnuih mă bruă, hđeh sang hră gưl prŏng leh anăn phung êdam êra. Čar Kon Tum mdưm mta kñăm hlăm thŭn 2023 mkŏ mjing bruă mă kơ êbeh 6.000 čô, hlăm anăn mâo 100 čô nao mă bruă kơ ala tač êngao.