VOV4.Ẻđê - Knơ̆ng bruă sang čư̆ êa čar Kontum mrâo mâo leh hră mơĭt truh kơ dŭm knơ̆ng dhar bruă, lehanăn knơ̆ng bruă sang čư̆ êa dŭm kdriêk, ƀuôn prŏng kơ bruă hyuă kjăp hĭn klei răng kriê phung hđeh, mkhư̆ gang klei hđeh mngăt hlăm êa ti čar.

Hluê anăn, knơ̆ng bruă sang čư̆ êa čar Kontum mtă kơ knơ̆ng bruă sang čư̆ êa 10 kdriêk, ƀuôn prŏng gĭt gai dŭm să, ƀuôn hgŭm, wăl krah mkŏ mjing hdră mă bruă klă mngač, hgang mkhư̆ klei hđeh mngăt hlăm êa. Gĭt djăp êpul êya bruă ti alŭ wăl bi đru kiă kriê hđeh hlăm wưng mdei prŏng, lehanăn hlăm dŭm hrue tuôm hŏng hjan prŏng êa lip lêč. Hâo hưn, mtrŭt mjhar dŭm gŏ sang bi mkŏ mjing găp djuê êđăp ênang, bi răng kriê phung hđeh. Ngă bruă ksiêm dlăng, pơ̆ng mdhă kăp ghă ti dŭm anôk mâo klei amâo mâo jăk msĕ si blŭng êa êlam, ênao êa, hnoh krông, êa jua, lehanăn dŭm anôk amâo mâo jăk hlăm alŭ wăl./.

Y-Khem pô mblang