VOV4.Êđê - Anôk bruă gĭt gai lĭng kahan čar Kon Tum bi hgŭm hŏng dŭm gưl bruă Đảng, bruă sang čư̆ êa alŭ wăl mđrăm mbĭt mkŏ mjing Hdră “Knăm mơak jih jang mnuih ƀuôn sang răng mgang knông lăn thŭn 2022” ti 13 să knông lăn bi knông hŏng 2čar Lao leh anăn Campuchia.

Hŏng bruă bi mni kơ bruă hlue ngă Asăp mtrŭn mơ̆ng Knŭk kna kơ bruă mkŏ mjing hdră jih jang mnuih ƀuôn sang hgŭm răng mgang klei dưi lăn čar, klei êđăp ênang knông lăn ala čar, knăm mơak pah mni lu gru hmô mđĭ kyar bruă duh mkra- ala ƀuôn, bi mlih klei mĭn hdră ngă ăt dưi pŏk ngă đru kơ mnuih ƀuôn sang krĭng knông lăn. Gưl anei, Anôk bruă gĭt gai lĭng kahan răng mgang knông lăn čar Kon Tum leh anăn gưl bruă Đảng, bruă sang čư̆ êa dŭm alŭ wăl mđup brei leh 2 boh sang bi hgŭm, sa gru hmô duh mkra rông êmô mjeh, 120 hnư mnơ̆ng đru gŏ êsei ƀun, mđup brei mnơ̆ng, prăk đru kơ 90 čô hđeh sang hră ƀun, pah mni lu phung, êpul mâo klei êdah kdlưn hlăm hdră răng mgang knông lăn ala čar.

H’Zawut pô mblang