VOV4.Êđê- Ƀri bi hdơr 50 thŭn mblah dưi Đăk Tô - Tân Cảnh 24/4, ti uăl tač 24/4 ti uăl krah Đăk Tô, kdriêk Đăk Tô, Bruă Đảng čar - Êpul gơ̆ng bruă ƀuôn sang - Knơ̆ng bruă sang čư̆ êa - mặt trận čar kwar Kon Tum kdrưh kơăm mkŏ mjing Knăm bi hdơr 50 thŭn Mblah dưi Đăk Tô - Tân Cảnh leh anăn tŭ mă  Hră bi mklă Mnơ̆ng kriê pioh ala čar hbuê ênuk čŏng čư̆ 1015 leh anăn čŏng čư̆ 1049.

50 thŭn êgao, Bruă Đảng, bruă sang čư̆ êa, lĭng kahan leh anăn mnuih ƀuôn sang dŭm djuê ana kdriêk Đăk Tô, čar Kon Tum bi hgŭm, kƀĭn pŏk ngă tŭ dưn dŭm hdră êlan, Hdră mtrŭn Klei bi kƀĭn Đảng tal 13, Hdră mtrŭn klei bi kƀĭn 16 bruă Đảng čar leh anăn mâo klei tŭ dưn yuôm bhăn. Hlăm knăm bi hdơr 50 thŭn mblah dưi Đăk Tô- Tân Cảnh, Đảng bộ, bruă sang čư̆ êa, lĭng kahan leh anăn mnuih ƀuôn sang čar Kon Tum ktưn hưn tŭ mă Hdră mtrŭn mơ̆ng Khua knŭk kna mbŏ čŏng čơ̆ 1015 leh anăn 1049 ti kdriêk sa Thầy leh anăn kdriêk Đăk Tô hlăm mnơ̆ng kriê pioh ala čar hlăm Anôk mbha dưi Đăk Tô - Tân Cảnh. 

                                              Pô mblang: H’Zawut Ƀuôn Yă