VOV4.Êđê -  Dơ̆ng mơ̆ng hrue kčưm kơ bruă lŏ mkra mđĭ truh 31km êlan hlăm êlan dơ̆ng prŏng mrô 24 găn čar Kontum mâo bi leh, snăn mâo phung ƀuôn sang hdĭp dua nah êlan bi čuk hli ngă hmăi amâo mâo jăk kơ wăl hdĭp mda dua nah êlan, bruă sang čư̆ êa 2 kdriêk Kon Plông, lehanăn Kon Braih, čar Kontum anôk mâo êlan dơ̆ng prŏng mrô 24 găn hyuă kjăp hĭn bruă kiă kriê.

Mtă kơ knơ̆ng bruă sang čư̆ êa dŭm să, wăl krah anôk mâo êlan găn hyuă kjăp bruă knuă. Ti anôk mâo hdră bi čuk hli snăn brei mâo bruă sang čư̆ êa kiă kriê ngă bruă bi djŏ hŏng klei bhiăn. Mrâo anei kdriêk Kon Braih đŭ bi kmhal leh 2 klei ngă soh kơ bruă kiă kriê lăn ala, duah bi čuk hli amâo mâo djŏ klei bhiăn ngă jhat rai lăn ala./.

Y-Khem pô mblang