VOV4.Êđê- Hlăm hdră kñăm krŭ wĭt, mđĭ kyar bruă hiu čhưn ênguê lehanăn mđing truh kơ knăm bi hdơr 47 thŭn hruê mtlaih êngiê kwar Dhŭng hluh lir lăn čar. Anôk bruă sang čư̆ êa kdriêk Tu Mơ Rông, čar Kon Tum mkŏ mjing leh Klei bi kƀĭn trông sâm Ngọc Linh, dŭm mta siă suôr hŏng bruă hiu čhưn ênguê. Jing krĭng phŭn pla ana mkra mjing êa drao mơ̆ng čar Kon Tum, kdriêk Tu Mơ Rông ară anei mâo êbeh 1.200ha sâm Ngọc Linh mơ̆ng anôk bruă duh mkra lehanăn mnuih ƀuôn sang.

Ti knăm anei, phung thơ̆ng kơ bruă đru mguôp leh klei blŭ đru kơ kdriêk Tu Mơ Rông ruh mtlaih klei dleh dlan, gun kpăk hlăm bruă jak iêu klei duh bi liê, bruă răng mgang lehanăn mđĭ kyar dliê, mđĭ lar ana mkra mjing êa drao, pŏk mlar ênhă pla, mđĭ hnơ̆ng tŭ jăk, mđĭ kyar bruă mkra mjing, pŏk mlar wăl anôk hrui blei; mkŏ mjing krĭng bruă hiu čhưn ênguê jăk mguôp hŏng ana sâm Ngọc Linh.

                                                   Pô mblang: H’Nêč Êñuôl