Hŏng êbeh 100 anôk mkŏ, dŭm êbâo čô knuă druh, đảng viên mơ̆ng gưl čar truh kơ să hmư̆ leh klei hâo hưn mơ̆ng asăp mtrŭn, klei klah čŭn, hdră kčah mrâo mtrŭn mơ̆ng Phŭn bruă kđi čar leh anăn Anôk dlăng bruă Đảng, “kơ klei ksiêm dlăng klei dưi, gang mkhư̆ klei ƀơ̆ng ngăn, klei amâo jăk hlăm bruă mkŏ mjing hdră bhiăn”; “kơ klei mđĭ gĭt gai mơ̆ng Đảng hŏng bruă mđĭ kyar sang dôk ala ƀuôn hlăm boh klei mrâo”, “kơ klei lŏ dơ̆ng hlue ngă Hdră mtrŭn gưl dlông tal 7 gưl XI kơ bruă mdrơ̆ng hŏng klei bi mlih yan adiê, mđĭ kriê dlăng ngăn dŏ leh anăn dliê kmrơ̆ng”, leh anăn kơ klei “lŏ dơ̆ng mkŏ mjing leh anăn mđĭ kyar klei čih, kdŏ mmuiñ hlăm wưng mrâo”.

Klei bi kƀĭn ăt pioh lu mmông ksiêm dlăng Hdră kčah mrô 155 mơ̆ng Anôk dlăng bruă Đảng čar Kon Tum kơ klei mprăp leh anăn mkŏ mjing klei bi kƀĭn bruă Đảng dŭm gưl leh anăn Klei bi kƀĭn phung bi ala bruă đảng čar tal XVII, wưng 2025-2030".