Mơ̆ng klei hâo mdah bri ƀuh bruă Đảng čar  Kon Tum mâo ksiêm duah leh kơ jih jang hdră mă bruă, djŏ hŏng klei mtrâo atăt, hŏng djăp boh phŭn kluôm ênŭm hŏng djăp mta bruă bi djŏ hŏng djăp alŭ wăl, dưi ngă bruă amâo mâo kpleh ôh hŏng klei bhiăn Đảng lehanăn djăp mta hră mtrŭn mơ̆ng dlông.

  Mơ̆ng klei ksiêm, anôk kiă kriê bruă Đảng čar mâo ƀuah mkra leh truh 7 đảng viên ngă soh; dŭm gưl bruă Đảng kdriêk nah gŭ mâo ƀuah mkra leh truh 5 êpul bruă Đảng lehanăn 693 čô đảng viên… Ti anôk bi kƀĭn phung bi ala hlăm êpul khua kiă kriê bruă Đảng čar  Kon Tum mâo bi trông, hlak mblang klă mngač kơ dŭm klei awăt kƀah, lŏ mă klei hriăm kơ bruă mkŏ mjing Đảng wưng thŭn 2020 - 2025 lehanăn ksiêm wĭt 15 thŭn hlue ngă klei bhiăn Đảng.