Kon Tum: Lu ênoh čuăn yuôm bhăn kơ thŭn 2023 amâo mâo djăp ôh hdră kčah mtrŭn
Thứ tư, 11:00, 06/12/2023
VOV Tây Nguyên
VOV Tây Nguyên
VOV4.Êđê - Hlue ngă klei bhiăn Đảng Cộng sản Việt Nam lehanăn hdră mtrŭn ngă bruă mơ̆ng bruă Đảng čar, hrue mbruê (5/12), ti ƀuôn prŏng Kon Tum, Êpul kiă kriê bruă Đảng čar Kon Tum mkŏ mjing leh klei bi kƀĭn tal 14 Êpul khua kiă kriê bruă Đảng čar gưl 16 pŏk mlar.
Lač kơ bruă duh mkra ala ƀuôn bruă Đảng čar Kon Tum hưn thŭn 2023 mâo lu ênoh čuăn kčah amâo mâo dưi bi leh ôh. Klei đĭ kyar kčah čuăn jing êbeh 10% ƀiădah knŏng djăp mă mil 7,32%; čoh čuăn ba wĭt prăk kơ knŭk kna jing 4.500 êklai prăk ƀiădah knŏng mâo ba wĭt mil 4.200 êklai prăk, bi liê ngăn prăk knŭk kna giăm 44% mkă hŏng ênoh alŭ wăl jao, mbĭt hŏng anăn lu klei dleh dlan, klei kƀah mâo.
Ti anôk bi kƀĭn tal 14, Êpul khua kiă kriê bruă Đảng čar Kon Tum gưl 16 mâo trông čhai ngă bi mngač leh lu boh phŭn, bruă klam mơ̆ng dŭm knơ̆ng dhar bruă, hŏng dŭm klei awăt kƀah, lehanăn mâo hdră mghaih msir ti thŭn 2024.
Viết bình luận