VOV4.Êđê- Aguah 7-4, ti ƀuôn prŏng Kon Tum, Anôk bruă gĭt gai Mtrŭt mjhar myơr êrah čar Kon Tum mkŏ mjing Knăm pŏk ngă “Hruê jih  jang mnuih ƀuôn sang nao myơr êrah thŭn 2022”. Bruă ngă kñăm mđĭ klei thâo săng hlăm dŭm gưl mnuih ƀuôn sang kơ hdră kñăm, klei yuôm bhăn mơ̆ng bruă myơr êrah mdrao mnuih.

Blŭ hrăm ti anôk bi kƀĭn, K’iăng Khua knơ̆ng bruă sang čư̆ êa čar Kon Tum Y Ngọc brei thâo, dŭm thŭn êgao, hdră myơr êrah ti čar Kon Tum jing leh bruă ngă jăk, mâo lu mnuih ƀuôn sang mđing truh. Hjăn hlăm thŭn 2021 mrâo êgao, bruă mdrao mgŭn čar Kon Tum tŭ mă êbeh 5.200 ênoh êrah doh mơ̆ng phung myơr êrah. Leh knăm pŏk ngă, mâo êbeh 300 ênoh êrah doh mnuih ƀuôn sang čar Kon Tum myơr hlăm “Keh êrah hiu mdrao mnuih” pioh kơ bruă dŏng mdrao mnuih ruă.

Pô mblang: H’Zawut Ƀuôn Yă