VOV4.Êđê- Bruă mjưh mdei êjai ngă bruă ti dŭm anôk hưn klei suaih pral gang mkhư̆ Covid-19 hlăm dŭm ktuê êlan dơ̆ng ala čar leh anăn hlăm čar ti Kon Tum dưi hluê ngă mphŭn mơ̆ng 0 mmông hruê 12/1/2022.

Hluê anăn mâo 6 anôk hưn klei suaih pral mdrao mgŭn ti čar Kon Tum ti dŭm ktuê êlan anei mdei ngă bruă. Hlăm hră mơar mơĭt kơ dŭm knơ̆ng, anôk bruă hlăm čar, Knơ̆ng bruă sang čư̆ êa dŭm kdriêk ƀuôn prŏng gĭt gai mdei êjai bruă hưn klei suaih pral gang mkhư̆ Covid-19 hlăm hruê 11/1, Knơ̆ng bruă sang čư̆ êa čar Kon Tum jao kơ Khua Knơ̆ng bruă sang čư̆ êa dŭm kdriêk, ƀuôn prŏng gĭt gai hrui mă kdrăp mnơ̆ng mdrao mgŭn, kih mdoh, mdjiê kman êlâo kơ đuê̆ mơ̆ng Anôk hưn klei suaih pral. Kon Tum jing čar knhal tuič ti krĭng wăl Lăn Dap Kngư brei ngă bruă ti dŭm anôk hưn klei suaih pral gang mkhư̆ Covid-19 ti dŭm ktuê êlan ala čar leh anăn êlan dơ̆ng prŏng hlăm čar.

Pô mblang: H’Zawut Ƀuôn Yă