Anei jing klei bi mklă mơ̆ng êpul khua kiă kriê bruă Đảng čar Kon Tum ti anôk bi kƀĭn ksiêm wĭt 3 thŭn êgao, hlue ngă hdră bi mklă mrô 1 mơ̆ng phŭn bruă kđi čar lŏ tui hriăm lehanăn hlue ngă knhuah mngač Hồ Chí Minh mkŏ mjing leh aguah mbrue (14/5), ti ƀuôn prŏng Kon Tum. Tlâo thŭn êgao, êbeh 84.000 gưl čô phung knuă druh, đảng viên čar Kon Tum hriăm klei bi mklă mrô 1 kơ klei tui hriăm lehanăn hlue ngă knhuah mngač Hồ Chí Minh mơ̆ng čar.

Lê Quang Thới, K’iăng khua anôk bruă kiă kriê bruă hâo hưn mơ̆ng êpul bruă Đảng čar Kon Tum, brei thâo, čar mâo mkŏ mjing leh hdră Hriăm lehanăn hlue ngă tui si knhuah mngač Hồ Chí Minh kơ klei hur har sĭt suôr đru bi rŭ mdơ̆ng Kon Tum đĭ kyarr pral lehanăn kjăp./.