Hlăm ênhă 56 êbâo ha dliê ti 2 kdriêk Sa Thầy leh anăn Ngọc Hồi, čar Kon Tum, Anôk bruă kriê dlăng dliê knŭk kna mkuôm Čư̆ Mom Ray bi mklă hlăm brô 20 êbâo ha, hlăm anăn mâo 250 ha dliê pla dôk huĭ kơ klei pui ƀơ̆ng. Đào Xuân Thủy, Khua Anôk bruă kriê dlăng dliê brei thâo, anôk bruă dôk lŏ dơ̆ng iêô mkrum, mđĭ lar jih hnơ̆ng êpul truih mdjiê klei pui ƀơ̆ng, boh nik ti dŭm krĭng dliê mâo rơ̆k, dliê kram, mơô leh anăn dliê pla. Êpul răng mgang dliê mâo 72 čô, dưi mbha ti 14 alŭ wăl leh anăn 21 anôk gak răng.

Bi mguôp hŏng bruă hâo hưn, mñă kơ mnuih ƀuôn sang amâo yua pui, amâo čuh pui ngă pưk hma hlăm mmông adiê hlơr čiăng mkhư̆ kơ klei pui ƀơ̆ng dliê. Anôk bruă yua Flycam čiăng ktuê dlăng grăp hruê thâo ƀuh mơ̆ng hnưm, mơ̆ng kbưi klei truh čiăng hmao msir mgaih./.