VOV4.Êđê - Klei hâo hưn mơ̆ng Knơ̆ng bruă sang čư̆ êa kdriêk Kon Plong, čar Kon Tum brei ƀuh, wăt tơdah ka mâo ôh ya klei luič liê, ƀiădah dŭm gưl mgei lăn hlăm wưng êgao ti kdriêk ngă kơ mnuih ƀuôn sang rŭng răng. Hŏng klei akâo, phung kreh knhâo hnưm bi mklă mta phŭn, bruă sang čư̆ êa kdriêk ăt pral mkŏ mjing hdră msir, mđĭ ktuê dlăng, hâo hưn čiăng kơ mnuih ƀuôn sang păn kjăp boh klei, mơ̆ng anăn pral hĭn hlăm bruă mdrơ̆ng hŏng klei mgei lăn.

Djŏ tuôm hŏng boh klei mgei lăn mâo ti kdriêk Kon Plong, mrâo anei Knơ̆ng bruă sang čư̆ êa čar Kon Tum mtă kơ Knơ̆ng bruă pui kmlă Vĩnh Sơn- Sông Hinh leh anăn Knơ̆ng bruă pui kmlă Đăk Đrinh lŏ ksiêm dlăng klei êđăp ênang knơ̆ng kdơ̆ng êa hlăm hdră kriê dlăng; mprăp êpul, kdrăp mnơ̆ng čiăng hmao msir mgaih sĭt mâo klei truh, rơ̆ng kăp đru mtam mơ̆ng mphŭn ƀuh klei amâo jăk, boh nik klei truh kơ knơ̆ng kdơ̆ng êa./.

H’ Nêč pô mblang