VOV4.Êđê - Hŏng akŏ: “Bi mguôp êpul êya - Lar bra klei khăp”, dhuah 9/5, ti ƀuôn prŏng Kon Tum, Êpul hgŭm gru bi kal hrah čar Kon Tum mkŏ mjing Knăm pŏk ngă Mlan đru kơ mnuih knap mñai thŭn 2022. Hlăm mlan đru kơ mnuih knap mñai thŭn anei, Êpul hgŭm gru bin kal hrah čar Kon Tum gĭr đru mơ̆ng 3000 truh 5000 gưl čô mnuih mâo klei hdĭp dleh dlan; mkŏ mjing 8 Sang gru bi kal hrah amâodah hdră đru kơ ala ƀuôn; ksiêm mkă klei ruă, mbha êa drao amâo mă prăk kơ mnuih ƀuôn sang krĭng dleh dlan.

Êpul hgŭm gru bi klal hrah čar Kon Tum brei thâo, čiăng dưi ngă hdră kñăm mrâo lač, Êpul srăng mđĭ ktang bruă bi mguôp êpul êya, lar bra klei khăp msĕ si akŏ mlan đru kơ mnuih knap mñai thŭn anei. Ti knăm pŏk ngă mlan đru kơ mnuih knap mñai thŭn 2022, Êpul hgŭm gru bi kal hrah čar Kon Tum tŭ mă leh giăm 140 êklăk prăk mơ̆ng dŭm êpul leh anăn phung mâo ai tiê kmah mđup myơr.

H’ Zawut pô mblang