Mơ̆ng mlan 2/2024, dŭm boh sang hră knŭk kna čiêm rông hđeh mnuih djuê ƀiă hlăm čar kiă kriê leh bruă lŏ ksiêm wĭt, bi leh gưl hriăm phŭn, lehanăn ksiêm bi mklă hnơ̆ng thâo hđeh hriăm hră, lehanăn mprăp kơ phung hđeh nao hlăm klei bi lông jih gưl 3, hŏng jih jang phung hđeh ngă leh hră mơar nao bi lông.

Tui si ênoh lehanăn hră mơar hđeh akâo nao bi lông, lehanăn klei phung hđeh čiăng hrŏng mŭt hlăm sang hră gưl prŏng hlăk akŏ mlan 3, snăn kčưm mơ̆ng hrue 1/4 dŭm boh sang hră knŭk kna čiêm rông hđeh mnuih djuê ƀiă mkŏ mjing mtam klei lŏ bi hdơr klei hriăm hŏng phung hđeh tĭng hlŏng truh jih hrue 22/6. Sang hră knŭk kna čiêm rông hđeh mnuih djuê ƀiă čar Kon Tum mâo 178 čô hđeh ngă hră mơar akâo bi lông jih gưl 3. Jih jang phung amĭ ama hđeh tŭ ư sa ai hŏng anak pô lŏ dôk hriăm bi hdơr klei hriăm, mprăp kơ klei bi lông hŏng klei jăk. Bruă sang čư̆ êa alŭ wăl mâo đru kơ phung hđeh dôk hlăm klei dleh dlan dôk lŏ bi hdơr klei hriăm mprăp kơ hrue bi lông jih gưl 3hlăm knhal jih mlan 6 ti anăp./.