Aguah mbrue (17/4), ti ƀuôn prŏng Kon Tum, knơ̆ng bruă sang čư̆ êa čar Kon Tum mkŏ mjing leh kphê phung duh mkra kñăm tŭ mă dŭm klei akâo đru dŭm klei dleh dlan, gun kpăk hlăm phung duh mkra êjai dôk duh mkra mnia mblei hlăm alŭ wăl.

Hlăm hdră anei, phung duh mkra čŏng mâo leh dŭm klei bi trông klă mngač hŏng phung khua kiă kriê knơ̆ng bruă sang čư̆ êa, lehanăn dŭm knơ̆ng dhar bruă djŏ tuôm ti čar Kon Tum kơ jih jang klei dleh dlan gun kpăk êjai hlăm klei ngă bruă. Tŭ mă jih jang klei anăn, knơ̆ng bruă sang čư̆ êa čar Kon Tum, dŭm knơ̆ng dhar bruă djŏ tuôm, lehanăn bruă sang čư̆ êa 10 kdriêk, ƀuôn prŏng hlăm čar mâo leh klei wĭt lač ruh mgaih truh 101 mta klei dleh kpăk hŏng phung duh mkra. Bi hŏng ya mta klei dôk ka dưi mghaih msir, čar Kon Tum bi kčah srăng wĭt lač hlăm 10 hrue leh mâo dŭm anôk bruă djŏ tuôm mghaih msir, mơĭt hră wĭt lač phung duh mkra lehanăn klei hâo mdah kơ knơ̆ng bruă sang čư̆ êa čar kăp ksiêm dlăng./.