VOV4.Êđê -  Ti kdriêk Tu Mơ Rông, čar Kon Tum, hjan prŏng hlăm dŭm hruê êgao ngă truh klei dlưh hroh, jhat rai đa đa bĭt êlan. Ară anei, bruă sang čư êa alŭ wăl dôk mjêč mgaih msir dŭm klei anăn čiăng rơ̆ng klei êrô êbat leh anăn klei hơĭt kơ mnuih ƀuôn sang.

Ti anăp, čiăng rơ̆ng klei êrô êbat kơ mnuih ƀuôn sang, hlăm dŭm anôk dlưn lăn ti êlan nao truh ti 4 să nah yŭ hlăm kriêk Tu Mơ Rông, dhar bruă djŏ tuôm dôk bi mguôp hŏng bruă sang čư êa dŭm să ngă bruă pơ̆ng pŏk mdhă hưn brei răng hlăm dŭm anôk huĭ hyưt, tiŏ nao êpul kčĕ mblang, mtô lač kơ mnuih ƀuôn sang leh anăn êdeh êdâo dŭm anôk dlưh hroh.

Bi hŏng dŭm anôk jhat rai điêt, kdriêk Tu Mơ Rông tiŏ nao êdeh êdâo, mnuih mă bruă ti năn čiăng mkra bi kjăp, amâo mâo brei hmăi kơ klei êrô êbat, mă bruă knuă mnuih ƀuôn sang.

Y-Ƀel pô mblang