VOV4.Êđê- Leh giăm dua thŭn dleh kpăk hĕ kyua klei ruă tưp Covid 19, ti čar Kontum wưng anei, phung hđeh lŏ hgŭm hlăm lu bruă čiăng mđĭ klei thâo lehanăn klei pô khăp hlăm dŭm anôk hlăp mbul mâo mkŏ mjing. Truh ti wưng anei, ti anôk bruă Dhar kreh čar Kontum mkŏ mjing leh dŭm mta bruă kơ yan mdei prŏng, tŭ jum lu phung hđeh nao čih anăn hriăm msĕ si: Bi mjeh, hriăm luê, hriăm čŭt mnga, hriăm klei Angle...

Ƀri wưng anei klei phung hđeh čiăng kơ anôk jăk pioh dưn yua jih klei pô khăp klei pô čiăng hriăm mđĭ klei kreh kruiñ mjuăt bi hriăm bruă. Amai Nguyễn Thị Tuyết Mai, Khua anôk bruă mjuăt bi hriăm bruă Êdam êra hđeh êlăk kơ knhuah hdĭp, kơ klei thâo kăp mtô bi hriăm ktrâo atăt kơ bruă knuă digơ̆ čiăng kơ êdei ênăp, anôk bruă dhar kreh čar brei thâo mâo mprăp leh jăk kơ klei bi hriăm hđeh hlăm yan mdei prŏng anei, kyua thâo kơ ênoh hđeh nao hriăm srăng jing lu./.

Pô mblang: Y-Khem Niê