Leh dŭm hdră msir mâo pŏk ngă kñăm mkhư̆ klei luič liê ngăn dŏ lehanăn luič liê prăk kăk mơ̆ng hdră kuai mă, čhĭ čuah, boh tâo hlăm êa krông. Mrâo anei, anôk bruă sang čư̆ êa čar Kon Tum mâo leh hră m’ĭt kơ dŭm anôk bruă djŏ tuôm, bruă sang čư̆ êa dŭm alŭ wăl mđĭ hdră kriê dlăng kdrăp găn êrô êlan êa mâo maĭ mŏk čiăng kuai mă čuah, boh tâo.

Čiăng mkhư̆ klei luič liê ngăn prăk hlăm bruă kuai, čhĭ čuah, boh tâo hlăm êa krông, Anôk bruă sang čư̆ êa čar Kon Tum mtă kơ Knơ̆ng bruă Jia mđĭ hdră kriê dlăng, ksiêm dlăng bruă hluê ngă hdră bhiăn jia, klei kơ jia hŏng ngăn prăk knŭk kna mơ̆ng dŭm êpul, mnuih mâo bruă kuai mă mnơ̆ng hlăm gŭ lăn, msir mghaih klei ngă soh hŏng hdră bhiăn jia hluê si klei kčah mtrŭn, pral hmao ƀuh, msir mghaih êpul ngă soh, amâo hưn klă mngač./.