VOV4.Êđê - Ti ƀuôn prŏng Kon Tum, bruă Đoàn čar Kon Tum bi hgŭm hŏng Knơ̆ng bruă Sang hră m’ar mtô bi hriăm mkŏ mjing Klei bi lông Tin học phung mda asei čar tal XXII thŭn 2022. Nao ti klei bi lông anei mâo 90 čô hriê mơ̆ng sang hră gưl 1, gưl 2 lehanăn gưl 3 ti alŭ wăl.

Phung hđeh bi êdah leh klei thâo tin học mơ̆ng pô hluê hdră bi lông kơ hdră ngôn ngữ lập trình čiăng ngă klei hriăm tĭng dlăng ti 3 hnơ̆ng: Hnơ̆ng A ba yua hdră SCRATCH amâo dah Python čiăng ngă klei hriăm gưl 1; Hnơ̆ng B lehanăn C ba yua hdră Free Pascal, DevC++, CodeBlock, Python čiăng ngă klei hriăm gưl 2, gưl 3. Mjưh ruê̆ klei bi lông, Anôk mkŏ mjing jao leh 31 klei pah mni kơ phung hđeh mâo boh tŭ kdlưn hĭn./.

H’ Nêč pô mblang