VOV4.Êđê-  Ti krĭng Lăn Dăp Kngư, angĭn êbŭ mrô 4 ngă klei hmăi lu hĭn ti čar Kon Tum. Lu bĭt êlan mâo klei kpăk kyua êa lêč leh anăn klei dlưh hroh lăn hlăm lu anôk. Kyua mâo hdră êlan čŏng mdrơ̆ng hŏng klei êa lêč, leh mâo klei hmăi ti dŭm bĭt êlan dơ̆ng, dhar bruă êlan klông leh anăn dŭ mdiăng čar Kon Tum mbĭt hŏng bruă sang čư êa dŭm alŭ wăl dưi mgaih msir mâo boh tŭ dưn.

Klă klơ̆ng ti êlan dơ̆ng Hồ Chí Minh găn kdriêk Đăk Glei ti anăp klei êa lêč, êpul ngă bruă tiŏ nao mnuih gak răng, pơ̆ng mdhă amâo mâo brei mnuih ƀuôn sang leh anăn êdeh êdâo găn nao anôk êa lêč čiăng rơ̆ng klei êđăp ênang. Êlan dơ̆ng 40B găn kdriêk Tu Mơ Rông, êlan dơ̆ng mrô 24 găn kdriêk Kon Plông mâo lu anôk dlưh hroh. Êpul ngă bruă tiŏ nao leh êdeh êdâo leh anăn mnuih mă bruă waih êlan.

Pô mblang: Y-Ƀel Êban