VOV4.Êđê - Ti anăp klei čhŏ djhan ti anôk mkăm djah mơ̆ng Sang amĭ msir mghaih djah kdriêk Đăk Hà, Knơ̆ng bruă Ngăn dŏ wăl hdĭp mda Kon Tum mtă kơ Anôk bruă anei hluê ngă kjăp hdră răng mgang wăl hdĭp mda.

Hluê anăn, Anôk bruă DH (êpul bruă kriê dlăng Sang maĭ msir mghaih djah) brei mbĕ jih djah dôk mkăm ti êngao mŭt hlăm lam sang maĭ msir mghaih amâo dah mâo hdră gang kñăm mkhư̆ klei êa hjan hram ba mta jhat hlăm wăl hdĭp mda; Huai mdoh lŭ lăn, djah djâo djiêu gah ƀăng mkăm djah hđăp čiăng mđĭ hnơ̆ng dưi mkăm djah; Lŏ bi kjăp anôk mkăm djah čiăng kơ êa čhŏ đăm hram ti êngao; Mâo hdră msir djŏ guôp čiăng hrui mklin djah djâo; Mđĭ klei ba yua lehanăn krih chế phẩm sinh học ti krĭng mkăm djah kñăm bi hrŏ mnâo brŭ, kêč ƀloh đĭ lar../.

H’Nêč pô mblang