VOV4.Êđê -  Ti anăp boh sĭt anôk mnia mblei sang lăn hruê mmông giăm anei, čiăng rơ̆ng klei êđăp ênang hlăm bruă mkăp brei ngăn prăk, knơ̆ng bruă ngăn prăk knŭk kna anôk ngă bruă ti čar Kon Tum mtă leh kơ dŭm êpul êya ngăn prăk ti alŭ wăl čar mâo klei răng hlăm bruă mkăp brei ngăn prăk hŏng bruă sang lăn. Hluê anăn knơ̆ng bruă ngăn prăk ala čar anôk ngă bruă ti čar Kon Tum mtă kơ dŭm êpul ngăn prăk ti alŭ wăl čar kñăm ksiêm dlăng kjăp bruă mkăp brei ngăn prăk hŏng bruă sang lăn, boh nik dŭm klei lĭng čan pioh blei sang lăn. Mâo klei răng, ksiêm dlăng bi klă bruă mkăp brei ngăn prăk hŏng dŭm alŭ wăl mâo klei lăn đĭ ênoh, dŭm hdră mkăp mâo klei hŭi hyưt mâo klei truh ktang. Mtă kơ dŭm êpul ngăn prăk ksiêm dlăng klă hlăm bruă bi klă ênoh ngăn drăp, rơ̆ng kơ ngăn drăp jing klei dưi yua lăn, ngăn drăp djŏ hŏng lăn anăn.

Y-Bel pô mblang