Kon Tum mtrŭh jih jang mnuih hriăm luê êa, mdrơ̆ng hŏng klei djiê mngăt hlăm êa
Thứ tư, 00:00, 22/05/2024
VOV TAYNGUYEN
VOV TAYNGUYEN
VOV4.Êđê- Aguah mbrue 21/5, Knơ̆ng bruă dharr kreh, mjuăt asei mlei hgŭm leh hŏng knơ̆ng bruă sang hră čar Kon Tum pŏk knăm bi hriăm luê hlăm yan mdei prŏng, hrue Olympic phung hđeh, lehanăn mtrŭt jih jang mnuih hriăm lue, mdrơ̆ng hŏng klei djiê mngăt hlăm êa, mâo leh êbeh 1.300 čô hđeh nao hriăm.
Čar Kon Tum mâo lu hnoh krông êa hnoh, lehanăn lu knơ̆ng kdơ̆ng êa, jing anôk hyưt êdi hŏng phung hđeh amâo mâo thâo luê. Klei kreh djiê mngăt hlăm êa jing hlăm yan hđeh mdei prŏng. Čiăng kơ dưi mâo klei êđăp ênang kơ giăm 168.000 čô hđeh hriăm hră hlăm čar yan mdei prŏng thŭn anei, čar Kon Tum mâo leh klei iêo mthưr kơ dŭm gưl, dŭm knơ̆ng dhar bruă, grăp boh sang lehanăn jih jang mnuih mđing hĭn kơ klei anei, kñăm bi hrŏ klei truh amâo mâo jăk hŏng hđeh hlăm êa.
Čar srăng mkŏ mjing lu hdră bi hriăm luê, mâo klei mtă mtăn, lehanăn mtô bi hriăm klei thâo hŏng êa, kñăm čiăng kơ jih jang phung hđeh mâo klei thâo săng tơdah đuĕ hiu hlăm êa, lehanăn iêo jak jih jang mnuih ka thâo luê nao hriăm luê./.
Viết bình luận