VOV4.Êđê- Hluê ngă Hdră pla 1 êklai ana kyâo mtah wưng thŭn 2021 – 2025 mơ̆ng knŭk kna, aguah hruê 25/3, ti Wăl msat kahan djiê êngiă kdriêk Tu Mơ Rông, Knơ̆ng kriê dlăng wăl anôk mnia mblei Kon Tum bi hgŭm hŏng Anôk bruă sang čư̆ êa kdriêk Tu Mơ Rông mkŏ mjing Knăm mtrŭt mjhar Têt pla kyâo hŏng anăn “Dliê srăng đĭ jing mtah mda”. Leh knăm anei, phung bi ala nao pla leh dŭm êtuh ana mnga sŭng gơr lehanăn mnga đào hlăm lehanăn êngao wăl msat kahan djiê êngiă čiăng mjing wăl anôk siam.

Êngao anăn, Anôk bruă sang čư̆ êa kdriêk Tu Mơ Rông ăt pŏk hdră pla ana kyâo mtah ti dŭm alŭ wăl să Đăk Hà, Ngọc Lây lehanăn Wăl knhuah gru hƀuê ênuk krŭ kgŭ kdơ̆ng bruă Đảng Kon Tum ti să Măng Ri. Knŏng Êpul kriê dlăng wăl anôk mnia mblei mrô 2 lehanăn knơ̆ng bruă kriê dlăng wăl anôk mnia mblei Kon Tum đru leh kơ kdriêk 4.800 mjeh ana ktâo mâo: Hngô, sơn tra, mnga anh đào, mnga kting lehanăn me tây.

                                                    Pô mblang: H’Nêč Êñuôl