Kon Tum: Pah mni phung hđeh sang hră mâo klei hdĭp dleh dlan thâo hlăm klei hriăm hră
Thứ sáu, 10:35, 02/06/2023
VOV Tây Nguyên
VOV Tây Nguyên
VOV4.Êđê- Hlăm wưng êgao, Êpul răng mgang klei dưi phung hđeh leh anăn đru kơ phung knap mñai čar dưi mkŏ, tŭ mă prăk kăk, mnơ̆ng dhơ̆ng mâo ênoh 3 êklai 800 êklăk prăk mơ̆ng dŭm êpul êya, knơ̆ng bruă, phung mâo ai tiê kmah čiăng mkŏ mjing bruă đru dŏng kơ êbeh 10.600 čô amâo mâo jăk asei mlei leh anăn phung hđeh mâo klei hdĭp dleh dlan.
Kñăm đru, mđĭ ai phung hđeh mâo klei hdĭp dleh dlan, hruê mbruê 1/6, ti ƀuôn prŏng Kon Tum, Êpul răng mgang klei dưi phung hđeh leh anăn đru kơ phung knap mñai čar Kon Tum mkŏ mjing klei kƀĭn trông pah mni phung hđeh dleh dlan, mâo klei thâo hlăm klei hriăm hră leh anăn phung đru dŏng êdah êdi thŭn 2023.
Hlăm klei kƀĭn, Êpul răng mgang klei dưi phung hđeh leh anăn đru kơ phung knap mñai čar Kon Tum mđup brei leh hră pah mni kơ 20 čô hđeh điêt mâo klei hdĭp dleh dlan, gĭr hlăm klei hdĭp, mđup brei 100 hnư mnơ̆ng kơ phung hđeh thâo hriăm hră ti thŭn 2023 leh anăn hưn mdah klei bi klă pah mni đa đa phung đru dŏng êdah êdi. Čar Kon Tum ară anei mâo êbeh 40.000 čô hđeh mâo klei hdĭp dleh dlan hlăm gŏ sang ƀun ƀin leh anăn giăm ƀun.
Viết bình luận