Ti wăl kriê pioh hƀuê ênuk Krĭng dlông 1049, ti să Hơ Moong, kdriêk Sa Thầy, bruă sang čư êa čar Kon Tum mkŏ mjing knăm mtrŭt mjhar Hdră pla ana kyâo hdơr nanao kơ Awa Hồ leh anăn sa ai hŏng hruê wăl hdĭp mda tar rŏng lăn 5/6 thŭn 2023. Leh knăm mtrŭt mjhar, phung bi ala pla hlăm brô 2.500 phŭn hngô 3 aruăt hla knăm mkŏ mjing klei siam leh anăn răng mgang wăl hdĭp djŭm dar wăl kriê pioh.

Bruă pla ana kyâo mtah đru mguôp hlăm bruă răng mgang wăl hdĭp mda, mkŏ mjing klei siam ti wăl kriê pioh hƀuê ênuk leh anăn wăl hiu čhưn ênguê ăt mâo lu kdriêk, ƀuôn prŏng ti čar Kon Tum mkŏ mjing. Hlăm thŭn anei čar Kon Tum mdưm mta kñăm pla mrâo 4.000ha dliê leh anăn 600.000 phŭn kyâo mtah. Hlăm 5 thŭn wưng klei kƀĭn prŏng tal 16 bruă Đảng čar, Kon Tum gĭr pla mâo 15.000 ha dliê leh anăn 3 êklăk phŭn kyâo tah.