VOV4.Êđê- Kñăm rơ̆ng klei êđăp ênang hlăm yan hjan thŭn anei, anôk bruă êlan klông dŭ mdiăng lehanăn anôk bruă sang čư̆ êa 10 kdriêk, ƀuôn prŏng mơ̆ng čar Kon Tum dôk mtrŭt mđĭ bruă mkra, msir mghaih dŭm anôk klưh hroh mâo mkăp leh prăk duh bi liê. Mbĭt anăn, mđĭ hdră hiu suang dlăng, bi mklă dŭm anôk huĭ mâo klei klưh lăn ti dŭm ktuê êlan čiăng pơ̆ng pŏk mbhă hưn kơ mnuih ƀuôn sang răng.

Dŭm êpul êya, anôk bruă čih mkra leh hdră ngă bruă, mprăp kdrăp mnơ̆ng, mnuih mă bruă kăp đru dŏng, mdrơ̆ng hŏng klei truh huĭ tăm mâo hlăm yan hjan. Čiăng rơ̆ng klei êđăp ênang êlan klông ti alŭ wăl, êlâo kơ yan hjan, anôk bruă êlan klông dŭ mdiăng Kon Tum mprăp leh giăm 300 kdrăp dưm boh tâo, hlăm brô 1.400m3 klŏ boh tâo, 1 klei kban yuôl lehanăn 2 kban msei mprăp msir mghaih tơdah mâo klei luič liê kyua adiê hjan êa lip ngă ti dŭm ktuê êlan./.

                                                    Pô mblang: H’Nêč Êñuôl