Čiăng kơ klei bi lông mkŏ mjing jăk, truh wưng anei Anôk bruă gĭt gai klei bi lông hriăm jih gưl 2 čar Kon Tum thŭn 2023 ngă dŭm gưl ksiêm dlăng bruă mprăp ti 12 anôk bi lông, anôk mprăp kđăm mkra klei bi lông; mkŏ mjing hriăm mjuăt ksiêm dlăng klei bi lông hriăm jih gưl 2 kơ knuă druh, dlăng klei bi lông, brei puăng. Mbĭt anăn Knơ̆ng bruă sang hră mtô bi hriăm gĭt gai dŭm anôk bruă sang hră lŏ dơ̆ng mkŏ jing jăk klei hriăm mbŏ kơ hđeh sang hră nao hlăm klei bi lông, boh nik sang hră mâo lu mnuih djuê ƀiă.

Klei bi lông hriăm jih gưl 3 thŭn anei čar Kon Tum mâo 5.024 čô bi lông, đĭ 273 čô mkă hŏng thŭn dih. Hlăm anăn, êbeh 4.800 čô bi lông hră hriăm jih gưl 3 leh anăn êbeh 160 bi lông klei hriăm jêñ jêñ. Hnơ̆ng mnuih djuê ƀiă nao hlăm klei bi lông mâo êbeh 1.700 čô, hđeh sang hră êngiê giăm 220 čô. Čar Kon Tum mkŏ mjing leh 12 anôk bi lông, 5 anôk ti ƀuôn prŏng Kon Tum, 7 čô ti dŭm kdriêk leh anăn mnuih mă bruă dlăng klei bi lông êbeh 900 čô./.