Ti anôk mtrŭt mjhar anăn mtam mâo lu mnuih ƀuôn sang nao bi mkrum hlăm tlam hrue 12/9 leh mâo 203 anôk bruă, êpul êya, lehanăn lu mnuih hlăm čar mâo bi mguôp leh êbeh 425 êklăk prăk. Mbĭt hŏng anăn mâo  23 anôk bruă êpul êya, lehanăn phung duh mkra ăt bi mkrum truh êbeh 2 êklai 65 êklăk prăk. Lu mnuih, êpul êya, lehanăn alŭ wăl bi mguôp hŏng ênoh prăk prŏng, msĕ si knuă druh, mnuih mă bruă, lehanăn mnuih ƀuôn sang ti ƀuôn prŏng Kon Tum bi mkrum truh 400 êklăk prăk, kdriêk Đăk Tô bi mkrum 300 êklăk prăk.

Hŏng ai tiê Klei bi đru, thâo bi khăp, đru bi čung, bi juh mnuih ƀuôn sang dôk găn klei ktrŏ, jih jang mnuih ƀuôn sang, knuă druh čar Kon Tum dôk lŏ ngă nanao klei bi đru anei hŏng mnuih ƀuôn sang dŭm boh čar, ƀuôn prŏng ti kwar dưr hmăi amâo mâo jăk mơ̆ng angĭn êbŭ mrô 3 ngă./.