VOV4.Êđê -  Hŏng boh tŭ êbeh 10 hruê tui ksiêm, bi mklă lehanăn mă kơ̆ng phung soh hŏng Klei kčah mtrŭn ba yua, răng mgang dliê lehanăn mnơ̆ng hlăm dliê”, Kahan ksiêm kdriêk Sa Thầy dưi pah mni leh. Aguah hruê 20/9/2022 ti Anôk bruă kahan ksiêm kdriêk Sa Thầy, Dương Văn Trang, Khua bruă Đảng čar, Khua Êpul gơ̆ng bruă ƀuôn sang čar Kon Tum bi mni lehanăn pah mni 20 êklăk prăk kơ êpul êya Anôk bruă kahan ksiêm kdriêk Sa Thầy. 

Leh tŭ mă hră m’ar mơ̆ng Anôk bruă ksiêm dlăng dliê kmrơ̆ng kdriêk, êbeh 10 hruê tui ksiêm, kahan ksiêm kdriêk Sa Thầy bi mklă, mă kơ̆ng leh phung ngă soh ti wăl 6, čuê dliê 692, ti să Mô Rai, kdriêk Sa Thầy, hlăm anôk bruă Dliê kmrơ̆ng Sa Thầy kriê dlăng. Ară anei, anôk bruă kahan ksiêm kdriêk Sa Thầy dôk mtrŭt phung ngă soh nao hưn mdah ti anôk bruă djŏ tuôm. Khua bruă Đảng čar Kon Tum ăt brei Anôk bruă knuă druh Đảng hlăm Anôk bruă sang čư̆ êa čar, bruă Đảng kahan ksiêm čar, bruă Đảng kdriêk Sa Thầy mđĭ lar ai tiê đua klam, răng mgang dliê ti alŭ wăl, mkŏ mjing hdră nao ksiêm dlăng nanao, pral hmao ƀuh, msir mghaih djŏ si klei kčah mtrŭn mơ̆ng Hdră bhiăn dliê kmrơ̆ng./.

H’Nêč pô mblang