Yap truh kơ hruê mbruê 6/3, hnơ̆ng êa mơ̆ng 172 knơ̆ng kdơ̆ng êa, knơ̆ng êa đĭ ti čar Kon Tum ăt dôk hlăm brô mơ̆ng 50 – 70% hnơ̆ng kdơ̆ng êa. Hlăm 20 knơ̆ng kdơ̆ng êa prŏng mơ̆ng čar msĕ si: Đăk Uy, Đăk Yên, Đăk Rơn Ga… êa ăt dôk dlai hlăm ƀăng mđuĕ. Hluê si klei tĭng mkă, hnơ̆ng êa mơ̆ng dŭm knơ̆ng kdơ̆ng êa srăng rơ̆ng djăp kơ wưng pla mjing yan puih mnga. Ƀiădah, čar Kon Tum amâo mâo luč klei răng, dôk hluê ngă lu hdră êlan čiăng bi mâo djăp êa krih kơ đang pla mjing hlăm dŭm mlan knhal jih yang bhang.

Wưng pla mjing yan puih mnga anei ti čar Kon Tum mâo giăm 7000ha mdiê lŏ, giăm 5.000ha ktơr leh anăn êbeh 1.000ha djam mtam dŭm mta. Mbĭt hŏng bruă rơ̆ng bi mâo djăp êa krih kơ ênhă pla mjing anei, dhar bruă lŏ hma čar Kon Tum ăt srăng rơ̆ng bi mâo djăp êa krih kơ dŭm pluh êbâo ha ana sui thŭn leh anăn ana ƀơ̆ng ƀoh./.