VOV4.Êđê- Hlăm dua hrue 10 lehanăn 11/10, hlăm kdriêk Tu Mrông, čar Kontum mâo hjan prŏng. Čiăng răng kơ klei êa lip lêč, lehanăn kluh lăn, kdriêk Tu mrông brei leh hđeh hriăm hră mdei sang hră ñĕ đuĕ mơ̆ng klei amâo mâo jăk huĭdah mâo. Boh nik, knơ̆ng bruă sang čư̆ êa kdriêk Tu mrông, mtă leh kơ dhar bruă sang hră mtă mtam brei hđeh hriăm hră mdei nao sang hră mơ̆ng hrue 11/10, lehanăn knŏng lŏ brei hđeh nao sang hră leh mâo klei êđăp ênang sĭt. An Văn Sáu, khua adŭ bruă sang hră mơar kdriêk brei thâo, adŭ bruă mâo mtă leh kơ 25 boh sang hră hlăk kdriêk mâo truh 8 êbâo 224 čô hđeh hriăm hră mdei êjai nao sang hră mơar, kñăm čiăng ñĕ kơ klei êa lip lêč.

Êpul khua kiă kriê sang hră, phung nai mtô djăp boh sang hră ktrâo atăt kơ phung hđeh ngă djăp bruă bi mâo klei êđăp ênang kơ pô, răng kơ klei êa lêč, klei kluh lăn êjai dôk hlăm sang msĕ mơh, msĕ si: Amâo mâo hiu ôh hlăm jĕ êa hnoh, amâo mâo duah hiu mă kan, ktŭng djuh êa mđung ôh, êjai êa prŏng, răng ti dŭm anôk kreh kluh lăn./.

Pô mblang: Y-Khem Niê