VOV4.Êđê - Gưl tal êlâo ti čar Kontum mâo klei rang mdah mnơ̆ng čhĭ mnia kơ Sâm Ngọc Linh lehanăn mnơ̆ng jăk mkăn djŏ tuôm hŏng bruă hiu čhưn ênguê. Jih jang bruă mnia mblei anei mâo kdriêk Tu Mrông, krĭng pla Sâm Ngọc Linh lehanăn ana êa drao phŭn ti čar Kontum mkŏ mjing mơ̆ng hruê 24 - 26/4 kơ anăp.

Bi klei bi mnia mblei hŏng online, srăng mkŏ mjing hlăm 10 hrue hlăm hla pŏk mnia mblei čar, mơ̆ng hrue 22/4 truh hrue 2/5/2022. Nao hlăm klei rang mdah mnơ̆ng dhơ̆ng čhĭ mnia anei mâo 44 knưng mnơ̆ng mơ̆ng phung ƀuôn sang, phung duh mkra, Êpul hgŭm bruă ti kdriêk Tu Mroong, čar Kontum lehanăn dŭm êpul êya hriê mơ̆ng kdriêk Nam Trà Mi, čar Quảng Nam, Bình Dương, ƀuôn prŏng Đà Nẵng. Jih jang mnơ̆ng ba hưn mdah ti anôk rang mdah anei lu jing sâm Ngọc Linh, mbĭt hŏng lu mta ana êa drao, mnơ̆ng ka mkra mjing, lehanăn leh mkra mjing./.

Y-Khem pô mblang